நடிகை வரலட்சுமி சரத்குமார் ‘சேசிங்’ திரைப்படத்தின் சண்டைக்காட்சிகளில் டூப் போடாமல் நடித்து அசத்தியுள்ளார் .
தமிழ் திரையுலகில் முன்னணி கதாநாயகியாக வலம் வரும் நடிகை வரலட்சுமி சரத்குமார் தனது துணிச்சலான நடிப்பின் மூலம் ரசிகர்களின் கவனத்தை ஈர்த்தவர். இவர் கதாநாயகியாக மட்டுமல்லாமல் சண்டக்கோழி 2, சர்க்கார் ஆகிய திரைப்படங்களில் வில்லியாக நடித்து மிரட்டியவர் . தற்போது வரலட்சுமி பாம்பன் ,பிறந்தநாள் பராசக்தி , கலர்ஸ், காட்டேரி ,சேசிங் யானை ,ஆகிய படங்களை கைவசம் வைத்துள்ளார். தமிழில் மட்டுமல்லாது தெலுங்கு, கன்னடம் ஆகிய மொழிகளிலும் படங்கள் நடித்து வருகிறார்.
இந்நிலையில் கே.வீரக்குமார் இயக்கத்தில் தமிழ், ஹிந்தி, தெலுங்கு ஆகிய மூன்று மொழிகளில் தயாராகியுள்ள ‘சேசிங்’ திரைப்படத்தில் இடம்பெற்றுள்ள சண்டை காட்சிகள் அனைத்திலும் நடிகை வரலட்சுமி டூப் போடாமலே துணிச்சலாக தனது நடிப்பு திறமையை காட்டியுள்ளார். மூன்று வில்லன்கள் உள்ள இந்த திரைப்படத்தில் வரலட்சுமி சரத்குமார் போலீஸ் அதிகாரியாக நடித்துள்ளார். விரைவில் இந்த திரைப்படம் வெளியாகவுள்ளது .