ஆர்கே நகர் தொகுதியில் எம்பி, எம்எல்ஏ வை காணவில்லை என போஸ்டர்கள் ஒட்டப்பட்டு உள்ளதால் பரபரப்பு ஏற்பட்டுள்ளது.
சென்னை ஆர்கே நகர் தொகுதியில் முன்னாள் முதலமைச்சர் ஜெயலலிதா வெற்றி பெற்றார். அவரது மறைவுக்குப் பின்னர் ஆர்கே நகர் பகுதியில் நடந்த தேர்தலில் டிடிவி தினகரன் வெற்றி பெற்று சட்டமன்ற உறுப்பினரானார். இந்நிலையில் ஆர் கே நகர் தொகுதிக்கு உட்பட்ட கொருக்குப்பேட்டை, மீனாம்பாள் நகர், ஜே ஜே நகர், கத்திவாக்கம் பகுதிகளில் போஸ்டர் ஒட்டப்பட்டுள்ளது.
அதில் ஒரு முக்கிய அறிவிப்பு என்று எழுதி, வடசென்னை, தொகுதி நாடாளுமன்ற உறுப்பினரையும், ஆர்கே நகர் தொகுதி எம்எல்ஏவையும், கொரோனாவிற்கும், புயலுக்கும், மழைக்கும் காணவில்லை என்று குறிப்பிட்டிருந்தது. அவர்களை கண்டுபிடித்து தருபவருக்கு தக்க சன்மானம் வழங்கப்படும் என்று அந்த போஸ்டரில் குறிப்பிட்டுள்ளது. ஆர்கே நகர் தொகுதிக்கு உட்பட்ட அண்ணாநகர், ஜே ஜே நகர், எழில் நகர், வாக்காளர்கள் சார்பாக போஸ்டர்கள் ஒட்டப்பட்டுள்ளது குறிப்பிட்டுள்ளனர்.