இன்று பிறந்தநாள் கொண்டாடும் நடிகர் ரஜினிக்கு தமிழகத்தின் துணை முதல்வர் ஓ. பன்னீர்செல்வம் பிறந்தநாள் வாழ்த்து தெரிவித்துள்ளார்.
சூப்பர் ஸ்டார் ரஜினிகாந்த் தனது 70வது பிறந்த நாளை இன்று கொண்டாடுகிறார். அவருக்கு அரசியல் கட்சி தலைவர்கள் மற்றும் ரசிகர்கள் என பல்வேறு தரப்பினரும் பிறந்தநாள் வாழ்த்துக்களை தெரிவித்து வருகிறார்கள்.இதனை அடுத்து நடிகர் ரஜினிகாந்த் புதிய அரசியல் கட்சி பற்றி அறிவிக்க உள்ள நிலையில், இன்று அவரின் ரசிகர்களுக்கு இரட்டிப்பு மகிழ்ச்சி கிடைத்துள்ளது.
அவரின் பிறந்தநாளை முன்னிட்டு ரசிகர்கள் அனைவரும் சங்கர மடத்தில் கோ பூஜை, கோவில்களில் சிறப்பு பூஜைகள், அன்னதானம் மற்றும் நலத்திட்ட உதவிகளை செய்து வருகிறார்கள். மேலும் சமூக வலைத்தளங்களில் ரஜினிக்கு வாழ்த்து தெரிவித்து வாழ்த்து மழை பொழிந்து கொண்டிருக்கிறது. அதனால் ட்விட்டரில் #HappyBirthdayRajinikanth என்ற ஹேஸ்டேக் ட்ரெண்டிங்கில் உள்ளது.
நடிகர் ரஜினிக்கு துணை முதல்வர் ஓ. பன்னீர்செல்வம் வாழ்த்து தெரிவித்து வெளியிட்டுள்ள டுவிட்டர் பதிவில், “அயராத உழைப்பாலும், அயராத திறமையாலும் தமிழ் திரையுலகில் தனி முத்திரை பதித்து சூப்பர் ஸ்டாராக கோலூன்றி வரும் அன்பு சகோதரர் ரஜினி அவர்கள் மகிழ்ச்சியுடனும், நல்ல உடல் ஆரோக்கியத்துடனும், நீண்ட ஆயுளுடனும் வாழ எனது இதயமார்ந்த பிறந்தநாள் வாழ்த்துக்களை அன்போடு தெரிவித்துக் கொள்கிறேன்” என்று அவர் கூறியுள்ளார்.