நடிகர் சிம்பு ‘ஈஸ்வரன்’ படத்தின் முதல் பாடலுக்கு ‘தமிழன் பாட்டு’ என தலைப்பிடப்பட்டுள்ளதை ட்விட்டரில் வெளியிட்டுள்ளார்.
தமிழ் திரையுலகில் முன்னணி கதாநாயகனாக வலம் வரும் நடிகர் சிம்பு நடிப்பில் தயாராகியுள்ள திரைப்படம் ‘ஈஸ்வரன்’. இயக்குனர் சுசீந்திரன் இயக்கியுள்ள இந்தப் படத்தின் படப்பிடிப்புகள் நிறைவடைந்து தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது. இந்தப் படத்தை வருகிற பொங்கல் தினத்தில் வெளியிட படக்குழு திட்டமிட்டுள்ளனர் என்பதும் அதற்கான தீவிர பணிகளில் ஈடுபட்டு வருகிறார் என்பதும் குறிப்பிடத்தக்கது.
#TAMIZHANPATTU #Eeswaranfirstsingle from 14 December 2020#Eeswaran #SilambarasanTR
#STR pic.twitter.com/hOSxSyRTMC— Silambarasan TR (@SilambarasanTR_) December 12, 2020
ஏற்கனவே இந்த படத்தின் ஃபர்ஸ்ட் லுக் போஸ்டர் இணையத்தில் வெளியாகி ரசிகர்களிடையே நல்ல வரவேற்பை பெற்றது. இதையடுத்து ஈஸ்வரன் படத்தின் சிங்கிள் பாடல் வருகிற டிசம்பர் 14ஆம் தேதி வெளியாக இருப்பதாக நடிகர் சிம்பு தனது டுவிட்டர் பக்கத்தில் அறிவித்திருந்தார் . இந்நிலையில் இந்த பாடலுக்கு ‘தமிழன் பாட்டு’ என தலைப்பிடப்பட்டுள்ளதை சிம்பு ட்விட்டரில் வெளியிட்டுள்ளார். இதனால் பாடலை பற்றிய எதிர்பார்ப்பு ரசிகர்களிடம் எகிறியுள்ளது .