வீட்டையே நவீனமயமாக மாற்றிய நவீன் என்ற இளைஞரின் சாதனைகள் பாராட்டுக்களை குவிக்கிறது.
நாமக்கல் மாவட்டத்தில் உள்ள நவீன் என்ற இளைஞர் புதிய சாதனை நிகழ்த்தியுள்ளார். இதன்படி இவர் தன் வீட்டிற்குள் நுழைந்த உடன் மின் விசிறி, கணினி போன்ற மின்சாதன பொருட்கள் தானாகவே இயங்கும்படி செயல்படுத்தியுள்ளார்.மேலும் நவீன் தனது பதினோராம் வயதிலேயே கணினி பழுது பார்க்கும் தொழில் கற்றிருக்கிறார். இதற்கு ஜேம்ஸ் பாண்ட் படத்தை பார்த்து ஈர்க்கப்பட்டதே காரணம் என்றும் கூறியுள்ளார்.
மேலும் தன் வீட்டையே ஸ்மார்ட் ஹவுஸ் ஆக மாற்றியுள்ள இவர் பொறியியல் பட்டதாரி ஆவார். இவர் தற்போது லித்தியம் அயன் பேட்டரியால் மின் சுவர் அமைக்க முயற்சி மேற்கொண்டு வருகிறார். தொழில்நுட்ப ஆராய்ச்சியாளராக வேண்டும் என்பதையே தனது லட்சியமாக கொண்ட இவர் 14 நிறுவனங்களிலிருந்து வந்த வேலை வாய்ப்புகளை நிராகரித்துள்ளார். கடந்த ஒன்பது ஆண்டுகளாக போராடி தற்போது வெற்றி பெற்றுள்ளதாக பெருமைக்கொள்ளும் நவீன், மேலும் நவீன சாதனைகளைப் படைக்க வாழ்த்துவோம்.
