டெல்லியில் போராட்டம் நடத்தும் விவசாயிகளுக்கு ஆதரவு தெரிவிக்கும் வகையில் இந்திய கிரிக்கெட் அணி இளம் வீரர் சுப்மன் விவசாயி படத்தை ப்ரொபைல் ஆக வைத்துள்ளார்.
மத்திய அரசு நிறைவேற்றியுள்ள வேளாண் சட்டங்களுக்கு எதிர்ப்பு தெரிவித்து டெல்லியில் விவசாயிகள் தொடர் போராட்டம் நடத்தி வருகின்றன. பல்வேறு மாநிலங்களில் உள்ள லட்சக்கணக்கான விவசாயிகள் அங்கு ஒன்று திரண்டு இரவு பகல் பாராமல் போராடி வருகிறார்கள். அவர்களின் போராட்டத்தை கலைக்க போலீசார் பல்வேறு முயற்சிகளை மேற்கொண்ட போதிலும் எந்த ஒரு பலனும் இல்லை.
அதுமட்டுமன்றி மத்திய அரசு விவசாயிகளுடன் பல்வேறு கட்ட பேச்சுவார்த்தை நடத்தியது. இருந்தாலும் எந்த ஒரு முடிவும் எட்டப்படவில்லை. வேளாண் சட்டத்தை முழுவதுமாக திரும்ப பெறும் வரையில் எங்கள் போராட்டம் தொடரும் என விவசாயிகள் தெரிவித்துள்ளனர். இந்நிலையில் நாட்டின் பல்வேறு இடங்களில் இருந்து 1200 டிராக்டர்களில் 50 ஆயிரத்திற்கும் மேற்பட்ட விவசாயிகள் டெல்லியை நோக்கி வருவதாக தகவல் வெளியாகியுள்ளது.
இந்நிலையில் 19வது நாளாக தொடரும் விவசாயிகளின் போராட்டத்திற்கு பலரும் ஆதரவு தெரிவித்து வருகிறார்கள். இதனை அடுத்து இந்திய கிரிக்கெட் அணி இளம் வீரர் சுப்மன் கில் விவசாயிகள் போராட்டத்திற்கு ஆதரவு தெரிவித்து உள்ளார். அவர் ஆதரவு தெரிவிக்கும் விதமாக தனது இன்ஸ்டாகிராம் பக்கத்தில் ப்ரொபைல் படத்தை விவசாயி படமாக மாற்றியுள்ளார்.