நயன்தாரா நடிப்பில் தயாராகும் ‘நெற்றிக்கண்’ படம் கொரிய படத்தின் ரீமேக் என இயக்குனர் கூறியுள்ளார்.
தமிழ் திரையுலகில் லேடி சூப்பர் ஸ்டாராக வலம் வரும் நடிகை நயன்தாரா தற்போது பல படங்களில் பிசியாக நடித்து வருகிறார். அதில் ஒன்று விக்னேஷ் சிவன் இயக்கும் ‘காத்துவாக்குல இரண்டு காதல்’ மற்றொன்று நடிகர் ரஜினியின் ‘அண்ணாத்த’ . இதற்கிடையில் ‘நெற்றிக்கண்’ திரைப்படத்திலும் நடித்து வருகிறார். இயக்குனர் மிலிந்த் ராவ் இயக்கும் நெற்றிக்கண் படத்தில் நயன்தாரா பார்வையற்றவராக நடிக்கிறார்.
இந்த படம் ‘ப்ளைன்ட்’ என்ற கொரிய படத்தின் ரீமேக் படமா? என பலர் கேட்டு வந்தனர். இந்நிலையில் படத்தின் இயக்குனர் மிலிந்த் ராவ் இது அந்த படத்தின் ரீமேக் படம் தான் என்றுள்ளார் . மேலும் இந்த படத்தில் நயன்தாராவின் நடிப்பும், வேலை செய்யும் விதமும் கண்டு ஆச்சரியம் அடைந்ததாகவும் , படத்தின் பணிகள் முழு வீச்சில் நடைபெற்று வருவதாகவும் கூறியுள்ளார்.