ஆந்திராவில் செம்மரம் வெட்டுவதற்காக லாரியில் வந்த 25 தமிழர்களை கைது செய்த காவல்துறையினர், தப்பி ஓடிய 7 பேரை தேடி வருகின்றனர்.
ஆந்திரம் மாநிலம் திருப்பதி அருகே செம்மர கட்டைகள் வெட்டி கடத்தப்படுவதாக அம்மாநில காவல்துறைக்கு ரகசிய தகவல் கிடைத்துள்ளது. இதனையடுத்து புத்தூர் சுங்கச்சாவடி அருகே காவல்துறையினர் வாகன சோதனையில் ஈடுபட்டனர். அப்போது தமிழகத்தின் திருத்தணியில் இருந்து வந்த லாரியை காவல்துறையும் தடுத்து நிறுத்தினர். அப்போது காவல்துறையை கண்டதும் லாரி ஓட்டுநர் உட்பட 7 பேர் தப்பி சென்றனர். பின்னர் லாரியை சுற்றிவளைத்த காவலர்கள் அதில் இருந்த 25 தமிழர்களை அதிரடியாக கைது செய்தனர். மேலும் தப்பி ஓடியவர்களை தேடும் பணி நடைபெற்று வருகிறது. கைது செய்யப்பட்டவர்கள் அனைவரும் திருவண்ணாமலை மாவட்டம் ஜவ்வாது மலை பகுதியை சேர்ந்தவர் என்பது முதற்கட்ட விசாரணையில் தெரியவந்துள்ளது.