டெல்லி மாநில மக்களவை தேர்தலில் பாஜக 7 இடங்களில் முன்னிலை பெற்று வருகின்றது.
நாடு முழுவதும் மக்களவை தேர்தல் கடந்த ஏப்ரல் 11_ஆம் தேதி மே 19_ஆம் தேதி வரை நடைபெற்றது. 7 கட்டங்களாக நடைபெற்ற தேர்தலின் வாக்கு எண்ணிக்கை முடிவுகள் இன்று காலை 8 மணிக்கு தொடங்கி நடைபெற்று வருகின்றது. இன்று காலை தபால் வாக்குகளை எண்ணிக்கையுடன் தொடங்கிய வாக்குப்பதிவு முன்னிலை நிலவரம் வெளிவந்து இருக்கின்றது. காலை முதல் வெளிவந்த முன்னிலை விவரங்களில் தேசியளவில் பாரதீய ஜனதா கூட்டணி 334 கூட்டணி முன்னிலை வகித்து வருகின்றது.
இந்நிலையில் தலைநகர் டெல்லியில் உள்ள 7 மக்களவை தொகுதிகளான தேர்தலில் சாந்தினி சவுக், வடகிழக்கு டெல்லி, கிழக்கு டெல்லி, புதுடெல்லி, வடமேற்கு டெல்லி, மேற்கு டெல்லி, தெற்கு டெல்லி என அனைத்திலும் பாஜக கட்சி முன்னிலை பெற்றுள்ளது.குறிப்பாக டெல்லி கிழக்கு தொகுதியில் இந்திய கிரிக்கெட் வீரர் கவுதம் கம்பீர் முன்னிலை பெற்றுள்ளார். வடகிழக்கு தொகுதியில் டெல்லி பாஜக_வின் தலைவர் மனோஜ் திவாரியை எதிர்த்து போட்டியிட்ட காங்கிரஸ் மூத்த தலைவர் ஷீலா தீட்சித் பின்னடைவை சந்தித்துள்ளார்.