தமிழகத்தில் 8ம் வகுப்பு படிக்கும் மாணவர்களுக்கு உதவித்தொகை அளிக்க மேற்கொள்ளப்படும் தேர்வு தேதி மற்றும் விதிமுறைகள் குறித்து தேர்வுத்துறை அறிவிப்பு ஒன்றை வெளியிட்டுள்ளது.
தேசிய வருவாய் வழி மற்றும் திறன் படிப்பு உதவித் திட்டத்தின் கீழ் படிப்பு உதவித்தொகை பெறும் எட்டாம் வகுப்பு மாணவர்களுக்கு அனைத்து வட்டார தேர்விலும் தேர்வு மையங்கள் அமைக்கப்பட்டு தேர்வு நடைபெற உள்ளது.
தேர்வு தேதி. 21.02.2021
இந்தத் தேர்வுக்கான விண்ணப்பங்களை https://www.dge.tn.gov.in / இணையதளத்தில் 28.12.2020 முதல் 8.01.2021 வரை பதிவிறக்கம் செய்து கொள்ளலாம்.
2020 மற்றும் 2021 ஆம் கல்வியாண்டில் எட்டாம் வகுப்பு படிக்கும், தேர்வு எழுதும் மாணவ மாணவியர்களின் பெற்றோர்கள் குடும்ப ஆண்டு வருமானம் 1,50,000 மட்டுமே இருக்க வேண்டும்.
விண்ணப்பிக்கும் முறை
இந்த NMMS தேர்விற்கு விண்ணப்பிக்க விருப்பமுடைய தேர்வர்கள் தாங்கள் பயிலும் பள்ளியின் மூலமாக மட்டுமே விண்ணப்பிக்க இயலும். தலைமையாசிரியர்கள் தேவையான விண்ணப்பங்களை 28.12.2020 முதல் 08.01.2021 வரை http://www.dge.tn.gov.in/ என்ற இணையதளம் மூலம் பதிவிறக்கம் செய்துகொள்ள வேண்டும்.
தலைமை ஆசிரியர்கள், விண்ணப்பங்களை நடப்புக் கல்வியாண்டில் எட்டாம் வகுப்புப் பயின்று வரும் தகுதியுடைய மாணவர்களிடம் கொடுத்து, பெற்றோர் உதவியுடன் பூர்த்தி செய்ய வேண்டும்.
புகைப்படம் ஒட்டிப் பூர்த்தி செய்யப்பட்ட விண்ணப்பத்தைத் தேர்வர்கள், தாம் பயிலும் பள்ளியின் தலைமையாசிரியரிடம் தேர்வுக் கட்டணம் ரூ.50/- உடன் 08.01.2021-க்குள் ஒப்படைத்தல் வேண்டும்.
பூர்த்தி செய்த விண்ணப்பங்களை ஆன்லைனில் பதிவேற்றம் செய்ய வேண்டிய நாட்கள் மற்றும் இணையதள முகவரி குறித்தான விவரங்கள் பின்னர் தெரிவிக்கப்படும்.
தலைமையாசிரியர்கள் இணையதளம் மூலம் பதிவு செய்தபின் அனைத்து விண்ணப்பங்களையும் ஒரே கட்டணமாக சம்பந்தப்பட்ட மாவட்டக் கல்வி அலுவலகத்தில் ஒப்படைக்க வேண்டிய நாள் குறித்தும் பின்னர் தெரிவிக்கப்படும்.
காலதாமதமாகப் பெறப்படும் அனைத்து விண்ணப்பங்களும் கட்டாயமாக நிராகரிக்கப்படும்.
விண்ணப்பங்கள் இணையதளம் மூலம் பதிவிறக்கம் செய்யப்பட வேண்டிய நாட்கள்- 28.12.2020 முதல் 08.01.2021 வரை.
பூர்த்தி செய்யப்பட்ட விண்ணப்பங்கள் மற்றும் தேர்வுக் கட்டணம் தேர்வர்களிடமிருந்து பெற கடைசி நாள் – 08.01.2021.
இவ்வாறு அரசுத் தேர்வுகள் இயக்ககம் சார்பில் தெரிவிக்கப்பட்டுள்ளது.