நடிகர் சிம்பு நடிப்பில் தயாராகிவரும் ‘மாநாடு’ திரைப்படத்தில் பிரபல நடிகர் இணைந்துள்ளதாக தயாரிப்பாளர் அறிவித்துள்ளார் .
தமிழ் திரையுலகில் நட்சத்திர நாயகனாக வலம் வரும் சிம்பு நடிப்பில் தயாராகி வரும் திரைப்படம் ‘மாநாடு’ . இயக்குனர் வெங்கட்பிரபு இயக்கும் இந்த படத்தில் கதாநாயகியாக கல்யாணி பிரியதர்ஷினி நடிக்கிறார். இந்த படத்திற்கு இசையமைப்பாளர் யுவன் சங்கர் ராஜா இசையமைக்கிறார் .இந்த படத்தை வி ஹவுஸ் புரொடக்ஷன்ஸ் சார்பில் சுரேஷ் காமாட்சி பெரும் பொருட்செலவில் தயாரிக்கிறார்.
மேலும் இந்த படத்தில் இயக்குனர் எஸ்.ஏ.சந்திரசேகர், டேனியல் பாலாஜி, மனோஜ், பிரேம்ஜி, படவா கோபி, அஞ்சனா கீர்த்தி, அரவிந்த் ஆகாஷ், உதயா ,எஸ்.ஜே. சூர்யா , ஒய் ஜி மகேந்திரன் உள்ளிட்ட பலர் நடித்து வருகின்றனர் . சமீபத்தில் இந்த படத்தில் முக்கிய கதாபாத்திரத்தில் நடிக்க இருந்த பாரதிராஜா விலகி விட்டதாக தகவல் வெளியானது . இதையடுத்து விறுவிறுப்பாக இந்த படத்தின் படப்பிடிப்பு நடைபெற்று வருகிறது. இந்நிலையில் பிரபல நடிகர் வாகை சந்திரசேகர் இந்த படத்தில் இணைந்திருப்பதாக தயாரிப்பாளர் அறிவித்துள்ளார்.