14 வயது சிறுமியை திருமணம் செய்து கொள்ளுமாறு கட்டாயப்படுத்திய வாலிபர் போக்ஸோ சட்டத்தின் கீழ் கைது செய்யப்பட்டார்
சேலம் மாவட்டத்தில் உள்ள பொட்டிபுரம் பகுதியில் கூலி வேலை பார்த்து வரும் சடையன் என்பவர் வசித்து வருகிறார். இவருக்கு பெரியசாமி என்ற ஒரு மகன் உள்ளார். பெரியசாமி அதே பகுதியில் உள்ள 14 வயது சிறுமியை தன்னை திருமணம் செய்து கொள்ளுமாறு கட்டாயப்படுத்தி உள்ளார். பெரியசாமி கட்டாயப்படுத்தியதை அச்சிறுமி தனது அம்மாவிடம் கூறியுள்ளார்.
இதனை அடுத்து சிறுமியின் தாயார் ஓமலூர் அனைத்து மகளிர் காவல் நிலையத்தில் தனது மகளை திருமணம் செய்து கொள்ளுமாறு கட்டாயப்படுத்தியதாக பெரியசாமி மீது புகார் அளித்தார். அவர் அளித்த புகாரின் பேரில் 14 வயது சிறுமியை திருமணம் செய்து கொள்ளுமாறு கட்டாயப்படுத்திய காரணத்திற்காக பெரியசாமி மீது வழக்குப்பதிவு செய்து போஸ்கோ சட்டத்தின் கீழ் ஓமலூர் அனைத்து மகளிர் போலீசார் அவரை கைது செய்தனர்.
