டிசம்பர் 29 முதல் பல்வேறு மாநிலங்களில் குளிர் மிகவும் கடுமையாக இருக்கும் என வானிலை ஆய்வு மையம் தெரிவித்துள்ளது.
டெல்லி உள்ளிட்ட வட மாநிலங்களில் கடுமையான குளிர் நிலவி வருகிறது. பனிப் போர்வை போர்த்தியது போல் அனைத்து பகுதிகளும் காணப்படுகிறது. சாலைகளில் காலை வேளையில் பனிமூட்டம் அதிகமாக இருப்பதாலும் வாகனப் போக்குவரத்து குறைந்துள்ளது. வீடுகளை விட்டு பொதுமக்கள் வெளியில் வருவதற்கு முடியாத நிலை ஏற்பட்டுள்ளது . மக்கள் குளிர் தெரியாமலிருக்க தீ மூட்டி குளிர் காய் கின்றனர். மற்றும் மது பிரியர்கள் மது அருந்தியும் வருகிறார்கள்.
இந்நிலையில், இந்திய வானிலை ஆய்வு மையம் வரும் நாட்களில், வடமாநிலங்களில் குளிர் மேலும் தீவிரமடையும் என்று எச்சரித்துள்ளது. அதைத் தொடர்ந்து டிசம்பர் 29 வயது முதல் பஞ்சாப், ஹரியானா, டெல்லி, உத்திரப்பிரதேசம் மற்றும் இராஜஸ்தானில் குளிர் மிகவும் அதிகமாக இருக்கும் என்று எதிர்பார்க்கப்படுகிறது.
பொதுமக்கள் தேவையின்றி வெளியில் வருவதை தவிர்த்து வீட்டிலேயே இருக்க அறிவுறுத்தப்படுகிறார்கள். மக்கள் வைட்டமின் சி நிறைந்த பழங்களை உண்டு விளைவுகளை எதிர்கொள்ள தங்களது சருமத்தை ஈரப்பதமாக வைத்திருங்கள். ஆல்கஹால் உடல் வெப்பத்தை மேலும் வெகுவாக குறைத்து விடும். இதனால் மது பிரியர்கள் மது அருந்த வேண்டாம். புத்தாண்டு பொங்கல் போன்ற பல்வேறு காரணத்திற்காக கொண்டாட்டங்களின் போது மது அருந்துவது நல்லதல்ல.