இந்திய விமானப்படைக்கு பலம் சேர்க்கும் வகையில், மேலும் மூன்று ரபேல் விமானங்கள் வரும் ஜனவரி மாதத்தில் இந்தியாவுக்கு வரவுள்ளன.
பிரான்ஸ் நாட்டிடமிருந்து 36 ரபேல் போர் விமானங்களை வாங்க அந்நாட்டுடன் மத்திய அரசு ஒப்பந்தம் செய்துள்ளது. இதன்படி, கடந்த ஜூலை மாதம் முதல் கட்டமாக இந்தியாவுக்கு 5 ரபேல் விமானங்களை பிரான்ஸ் வழங்கியது. இதைத் தொடர்ந்து, நவம்பர் மாதத்தில் மூன்று விமானங்கள் இரண்டாம் கட்டமாக வழங்கப்பட்டன. இந்நிலையில், மூன்றாவது கட்டமாக மேலும் மூன்று ரபேல் விமானங்கள் அடுத்த மாதம் இந்தியாவுக்கு வர உள்ளன.
பிரான்சில் இருந்து எங்கும் இடையில் நிற்காமல் இந்த மூன்று ரபேல் விமானங்களும் இந்தியாவின் ஜாம் நகருக்கு வரவுள்ளன. நடுவானில் எரிபொருளை நிரப்புவதற்கு இந்திய, பிரான்ஸ் விமானங்கள் அவற்றுக்கு துணை நிற்கும். இவை 2021ம் ஆண்டில் இந்திய விமானப்படையில் இணைக்கப்படும் என அதிகாரிகள் தெரிவித்துள்ளனர்.