மின்வேலி அமைத்த விவசாயிக்கு மின்சாரம் தாக்கி உயிரிழந்த சம்பவம் சோகத்தை ஏற்படுத்தியுள்ளது
தர்மபுரி மாவட்டம் காரிமங்கலம் அருகே உள்ள மோதூர் கிராமத்தை சேர்ந்தவர் துரை (வயது 55). விவசாயம் செய்து வந்த இவர் வயலில் எலி தொல்லை அதிகம் இருந்ததால் வயல்களை சுற்றிலும் மின்வேலி அமைத்திருந்தார். நேற்று முன்தினம் இரவு கிணற்றின் அருகே உள்ள கொட்டகையில் படுத்து இருந்த துரை அதிகாலை எழுந்து வயலை சுற்றி பார்க்க சென்றார்.
அப்போது எதிர்பாராதவிதமாக மின் வெலியின் மின்சாரம் தாக்கியதால் அவர் உயிரிழந்தார். இதுகுறித்த புகாரின்பேரில் காரிமங்கலம் போலீசார் விரைந்து சென்று விவசாயியின் உடலை கைப்பற்றினர். பின் பிரேத பரிசோதனைக்காக தர்மபுரி அரசு மருத்துவமனைக்கு துரையின் உடலை அனுப்பி வைத்ததோடு வழக்கு பதிந்து விசாரணை நடத்தி வருகின்றனர்.
