நடிகர் சிம்பு நடிப்பில் தயாராகியுள்ள ஈஸ்வரன் படத்தின் பாடல்கள் வெளியீட்டு தேதி அறிவிக்கப்பட்டுள்ளது .
தமிழ் திரையுலகின் நட்சத்திர நாயகனாக வலம்வரும் நடிகர் சிம்பு தற்போது வெங்கட்பிரபுவின் மாநாடு படத்தில் நடித்து வருகிறார். இவர் நடிப்பில் தயாராகியுள்ள ‘ஈஸ்வரன்’ திரைப்படத்தின் படப்பிடிப்புகள் நிறைவடைந்து தற்போது போஸ்ட் புரொடக்ஷன் பணிகள் நடைபெற்று வருகிறது. இயக்குனர் சுசீந்திரன் இயக்கியுள்ள இந்த படத்தில் நிதி அகர்வால் ,பாரதிராஜா உட்பட பலர் நடித்துள்ளனர். இந்த படம் வருகிற பொங்கல் தினத்தில் வெளியாகும் என எதிர்பார்க்கப்படுகிறது.
WITH LOVE ONLY LOVE TO MY @SilambarasanTR_ ♥️ #Eeswaran Music is Coming to U ON #JAN2nd 2021 💛🏆 pic.twitter.com/Rpa6SaRWx0
— thaman S (@MusicThaman) December 29, 2020
இந்த படத்திற்கு இசையமைத்துள்ள தமன் படத்தின் பின்னணி இசை பணிகளை முடித்து விட்டதாக தனது ட்விட்டர் பக்கத்தில் அறிவித்து இருந்தார். இந்நிலையில் ஈஸ்வரன் படத்தின் பாடல்கள் வருகிற ஜனவரி 2ஆம் தேதி வெளியாகும் என படக்குழு அறிவித்துள்ளது . ஏற்கனவே இந்த படத்தில் இருந்து வெளியான ‘தமிழன் பாட்டு’ இணையத்தை தெறிக்க விட்டதால் மற்ற பாடல்களுக்காக சிம்பு ரசிகர்கள் வெறித்தனமாக காத்துக்கொண்டிருக்கின்றனர்.