தேர்தலுக்கு பிறகு தான் முதல்வர் குறித்து முடிவெடுக்கப்படும் என்று பாஜக கூறியுள்ளது அதிமுகவினரிடையே குழப்பத்தை ஏற்படுத்தியுள்ளது.
தமிழக சட்டப்பேரவை தேர்தல் நடக்க என்னும் மூன்று மாதங்கள் மட்டுமே இருக்கின்றன. இதற்காக அனைத்து அரசியல் கட்சிகளை சேர்ந்தவர்களும் தயாராகிக் கொண்டிருக்கின்றனர். மேலும் அதிமுக மற்றும் பாஜக கூட்டணி தொடரும் என இபிஎஸ் – ஓபிஎஸ் கூட்டாக அறிவித்துள்ளனர். இந்நிலையில் அதிமுகவின் முதல்வர் வேட்பாளராக எடப்பாடி பழனிசாமி அறிவிக்கப்பட்டுள்ளார். ஆனால் பாஜக பழனிசாமியை முதலமைச்சராக ஏற்றுக்கொள்ள வில்லை என்று கூறப்படுகின்றது. பாஜக சொல்பவர் முதலமைச்சர் என அந்தக் கட்சியின் தலைவர்கள் கூறி வருகின்றனர்.
இதற்கு சில அதிமுக அமைச்சர்களும் ஆதரவளித்து வருவது அதிர்ச்சியை ஏற்படுத்தி உள்ளது. தற்போது ரஜினியின் அரசியல் தொடங்க போவதில்லை என்று அறிவித்துள்ளார். இதையடுத்து அதிமுக கூட்டணியில் தான் பாஜக செல்லும் என்று சொல்லப்பட்டு இருக்கிறது. ஆனால் தேர்தலுக்குப் பிறகுதான் முதல்வர் குறித்து முடிவெடுக்கப்படும் என்று பாஜக கூறியுள்ளது அதிமுகவினரிடையே குழப்பத்தை ஏற்படுத்தி உள்ளது. எடப்பாடி பழனிசாமியை முதல்வராக பாஜக ஏற்றுக் கொள்ளுமா? ஏற்றுக்கொள்ளாதா? என்ற சந்தேகம் எழுந்துள்ளது.