இயக்குனர் முத்தையா இயக்கத்தில் நடிகர் விக்ரம் பிரபு நடித்துள்ள ‘புலிக்குத்தி பாண்டி’ படத்தின் ஃபர்ஸ்ட் லுக் போஸ்டர் வெளியாகியுள்ளது.
தமிழ் திரையுலகில் அதிரடியான படங்களை இயக்கி பிரபலமடைந்தவர் இயக்குனர் முத்தையா . இவர் இயக்கத்தில் வெளியான கொம்பன், குட்டிப்புலி, மருது போன்ற திரைப்படங்கள் ரசிகர்களை கவர்ந்தது. இதையடுத்து இவர் இயக்கத்தில் வெளியான கொடிவீரன் ,தேவராட்டம் ஆகிய படங்கள் எதிர்பார்த்த அளவு வரவேற்பை பெறவில்லை . தற்போது சன் பிக்சர்ஸ் தயாரிப்பில் இயக்குனர் முத்தையா இயக்கியுள்ள படத்தில் நடிகர் விக்ரம் பிரபுவும் ,நடிகை லட்சுமி மேனனும் நடித்துள்ளனர் . இந்தப் படத்தின் தலைப்பு முதலில் ‘பேச்சி’ என வைக்கப்பட்டு பின்பு ‘புலிக்குத்தி பாண்டி’ என மாற்றப்பட்டுள்ளது.
இயக்குனர் @dir_muthaiya இயக்கத்தில், @iamVikramPrabhu மற்றும் #LakshmiMenon நடிப்பில் "புலிக்குத்தி பாண்டி" படத்தின் First Look!#PulikkuthiPandi #SunTV #PKPFirstLook pic.twitter.com/nKSH31qgIX
— Sun TV (@SunTV) December 30, 2020
இந்தப்படம் மதுரையை சுற்றியுள்ள பகுதிகளில் படமாக்கப்பட்டுள்ளது . இந்நிலையில் இந்த படத்தின் ஃபர்ஸ்ட் லுக் போஸ்டர் வெளியாகியுள்ளது. கண்ணில் வெறியுடனும் கையில் ஈட்டியுடனும் மிரட்டலான போஸில் விக்ரம்பிரபு இருக்கும் இந்த போஸ்டர் ரசிகர்களை கவர்ந்து வருகிறது . இந்த படத்தை வருகிற பொங்கல் தினத்தில் நேரடியாக சன் டிவியில் ஒளிபரப்ப முடிவு செய்துள்ளனர் . இதற்கு முன்பு ‘நாங்க ரொம்ப பிஸி’ என்ற படமும் நேரடியாக சன் டிவியில் ஒளிபரப்பானது குறிப்பிடத்தக்கது .