ரஜினிகாந்த் அரசியலுக்கு வருவார் என்று தவறாக கணித்த ஜோதிடர் தொழிலை கைவிடுவாரா என்ற கேள்வி எழும்பியுள்ளது.
நடிகர் ரஜினிகாந்த் ரத்த அழுத்தம் காரணமாக மருத்துவமனையில் அனுமதிக்கப்பட்டார். இந்நிலையில் மருத்துவமனையில் இருந்து டிஸ்சார்ஜ் ஆன பிறகு தான் கட்சி தொடங்க போவதில்லை என்ற அறிவிப்பை வெளியிட்டார். இதையடுத்து தமிழக பாஜகவில் அறிவுசார் பிரிவு தலைவராக உள்ள ஜோதிடர் ஷெல்வி என்பவர் டிசம்பர் மாதத்திற்குள் ரஜினிகாந்த் கட்சியை ஆரம்பிக்கவில்லை என்றால் தன்னுடைய தொழில் ஜோதிடத்தை விடுவதாக எதார்த்தமாக சவால் விட்டிருந்தார்.
இதேபோன்று இதற்கு முன்பும் 2020 ஆம் வருடம் அனைவருக்கும் சிறப்பான வருடமாக அமையும் என்று கணித்து கூறினார். ஆனால் 2020 ஆம் வருடம் இந்த உலகமே கொரோனாவால் சின்னாபின்னமாக மாறியுள்ளது நம் அனைவருக்கும் தெரியும். இந்நிலையில் ஜோதிடர் ஷெல்வி அவர்களின் கணிப்பை ரஜினிகாந்த் அவர்களின் முடிவு தற்போது தவிடுபொடியாக்கி விட்டது. இதையடுத்து தற்போது ஷெல்வி ஜோதிடர் தொழில் கைவிடுவாரா? அல்லது தான் கணித்தது தவறு என்று ஒப்புக்கொள்வாரா? என்று இணையத்தில் நெட்டிசன்கள் கேள்வி எழுப்பி வருகின்றனர்.