திருச்சியில் தேர்தல் பிரசாரத்தில் முதல்வர் எடப்பாடி பழனிசாமி ஈடுபட்டிருந்தபோது முதல்வரின் வாகனத்தின் மீது மர்ம நபர்கள் தாக்குதல் நடத்தியதால் பரபரப்பு ஏற்பட்டது.
தமிழகத்தில் இன்னும் சில மாதங்களில் சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால், தேர்தல் களம் சூடு பிடிக்க தொடங்கியுள்ளது. இதனை அடுத்து ரஜினி அரசியலுக்கு வருவது உறுதி செய்யப்பட்டுள்ளது. அவருக்கு போட்டியாக கமல்ஹாசன் தீவிர தேர்தல் பிரசாரத்தில் களமிறங்கியுள்ளார். அனைத்துக் கட்சியினரும் ஒருவருக்கொருவர் விமர்சித்து தீவிர தேர்தல் பிரசாரத்தில் இறங்கியுள்ளனர். கடந்த சில நாட்களாகவே தமிழகத்தின் அனைத்து பகுதிகளிலும் அனைத்து கட்சியினரும் தேர்தல் பிரசாரம் செய்து வருகிறார்கள்.
இந்நிலையில் திருச்சி வரகனேரி பகுதியில் முதல்வர் எடப்பாடி பழனிசாமி தேர்தல் பிரசாரத்தில் ஈடுபட்டு இருந்தார். அப்போது பிரசார மேடை அருகே நிறுத்தி வைக்கப்பட்டிருந்த முதல்வரின் மாற்று வாகனத்தை மர்ம நபர்கள் சிலர் தாக்கி சேதப்படுத்தியதால் அங்கு சிறிது நேரம் பரபரப்பு நிலவியது. மேலும் முதல்வரின் வாகனத்தை சேதப்படுத்தியது யார் என்பது தொடர்பாக தீவிர விசாரணை நடத்தப்பட்டு வருகிறது.