உடல் நலம் சீராகி ரஜினி அவர்கள் அரசியலில் ஈடுபட வேண்டும் என்று ரசிகர்கள் மற்றும் மக்கள் மன்ற நிர்வாகிகள் உண்ணாவிரதம் மேற்கொண்டு பூஜைகள் நடத்தியுள்ளனர்
நடிகர் ரஜினிகாந்த் டிசம்பர் 31ஆம் தேதி அன்று அரசியலுக்கு வரப் போவதாக கூறியிருந்தார். அனால் தற்போது அவருக்கு உடல்நிலை சரியில்லாத காரணத்தால் கட்சி தொடங்க வில்லை எனவும், அரசியலுக்கு வரப் போவதில்லை எனவும் தெரிவித்துள்ளார். இது ரஜினிகாந்த் அரசியலில் ஈடுபட்டு மக்கள் பணியாற்றுவார் என்று எதிர்பார்த்திருந்த அவரது ரசிகர்களுக்கும், ரஜினி மக்கள் மன்ற நிர்வாகிகளுக்கும் ஏமாற்றத்தை அளித்தது.இந்நிலையில் ரஜினியின் அறிவிப்பால் அதிர்ச்சி அடைந்த அவரது ரசிகர்கள் ரஜினிகாந்தின் வீட்டிற்கு முன்பு அவர் அரசியலில் ஈடுபடவேண்டும் எனவும், புதிதாக கட்சி தொடங்க வேண்டும் எனவும் போராட்டத்தில் ஈடுபட்டு வருகின்றனர்.
மேலும் வேப்பூர் வசிஷ்டேஸ்வரர் கோவில் முன்பு ரஜினி மக்கள் மன்ற நிர்வாகிகள் மற்றும் ரசிகர்கள் உண்ணாவிரதம் இருந்து ரஜினிகாந்த் கூடிய விரைவில் பூரண உடல் நலம் பெற்று அரசியலில் பிரவேசிக்க வேண்டும் என உண்ணாவிரதம் இருந்து பிரார்த்தனை செய்தனர். இந்த பிரார்த்தனையில் திமிரி ஒன்றிய செயலாளர் வெங்கடேசன் ஆற்காடு ஒன்றிய செயலாளர் வி.எம்.சேட்டு மற்றும் நகர செயலாளர் ஏ.எம்.வரதன் போன்ற 100-க்கும் மேற்பட்ட ரஜினி மக்கள் மன்ற நிர்வாகிகள் கலந்து கொண்டு பிரார்த்தனை செய்தனர்.