வரும் 4 ஆம் தேதி முதல் இரவு 11.15 க்கு சிறப்பு ரயில்கள் இயக்கப்படும் என்று தெற்கு ரயில்வே அறிவித்துள்ளது.
சென்னை சென்ட்ரலில் இருந்துபெங்களூரு, மைசூரு, திருநெல்வேலி – பாலக்காடு, திருச்சி – ராமேசுவரம் மார்க்கங்களில் வரும் 4-ம் தேதி முதல் சிறப்பு ரயில்கள் இயக்கப்படுகின்றன. இதுகுறித்து தெற்கு ரயில்வே வெளியிட்டுள்ள அறிக்கையில், பயணிகளின் தேவையை கருத்தில் கொண்டு ரயில்வே வாரியத்தின் ஒப்புதலுடன் பல்வேறு இடங்களுக்கு சிறப்பு ரயில்கள் இயக்கப்பட்டு வருகின்றன.
அதன்படி, 4-ம் தேதி முதல் சிலமுக்கிய மார்க்கங்களில் சிறப்பு ரயில்கள் இயக்கப்படுகின்து . திருச்சி-ராமேஸ்வரம், பாலக்காடு- நெல்லை இடையே சிறப்பு ரயில்கள் இயக்கப்படும் என்று தெற்கு ரயில்வே அறிவித்துள்ளது. வரும் 4ஆம் தேதி முதல் இரவு 11.15 மணிக்கு நெல்லையில் இருந்து புறப்படும் சிறப்பு ரயில் சேரன்மகாதேவி, அம்பாசமுத்திரம், தென்காசி, கொல்லம் வழியாக பாலக்காடு சென்றடையும் என்று அறிவித்துள்ளது.