உங்கள் பி.எப் கணக்கில் பணம் சேர போகுது… இனி என்ஜாய் தான்…!!!

2019 நிதி ஆண்டுக்கு ஊழியர்களின் வருங்கால வைப்பு நிதி கணக்கில் 8.5% வட்டியை ஆக வரவு வைக்க நிதி அமைச்சகம் ஒப்புதல் தந்துள்ளது. இத்தொகை தற்போது வரவு வைக்கப்பட்டு வருகிறது. ஒவ்வொரு நிதி ஆண்டும் பி.எப்., கணக்கிற்கு மத்திய அரசால் வட்டி நிர்ணயிக்கப்படும். அந்த வகையில் இந்தாண்டு 8.5% ஆக வட்டி நிர்ணயிக்கப்பட்டது. இதற்கு நிதி அமைச்சகம் முறையான ஒப்புதல் வழங்கியது. விரைவில் தொழிலாளர் அமைச்சகம் இதனை அரசாணையில் வெளியிட்டுள்ளது.

இதனால் பி.எப்., மீதான வட்டி விகிதத்தை சந்தாதாரர்களின் கணக்குகளில் வரவு வைப்பதற்கான வழிமுறைகள் தொடங்கியுள்ளது. டிச., 31-ல் ஓய்வு பெற்றவர்களுக்கும் 8.5% வட்டியுடன் பி.எப்., தொகை அளிக்கப்படும். பி.எப்., இருப்புத் தொகை அறிய, இ.பி.எப்.ஓ., தளத்தில் பதிவு செய்துள்ள உங்களின் மொபைல் எண்ணிலிருந்து 011-22901406 என்ற எண்ணிற்கு மிஸ்ட் கால் கொடுத்தால், பண இருப்பு விவரங்கள், யு.ஏ.என்., எண்ணுடன் குறுஞ்செய்தியாக வந்துவிடும். யுமேங்க் (UMANG) செயலி மற்றும் இ.பி.எப்.ஓ., இணையதளம் மூலம் விரிவான பாஸ்புக்கை பார்க்கலாம்.