நடிகர் சிம்பு நடிப்பில் தயாராகியுள்ள ‘ஈஸ்வரன்’ படத்தின் இசை வெளியீட்டு விழா ஆல்பர்ட் திரையரங்கில் நடைபெற உள்ளது .
தமிழ் திரையுலகில் நட்சத்திர நாயகனாக வலம் வரும் சிம்பு நடிப்பில் தயாராகியுள்ள திரைப்படம் ‘ஈஸ்வரன்’ . இந்த படத்தில் நிதி அகர்வால், பாரதிராஜா ,நந்திதா உட்பட பலர் நடித்துள்ளனர் . தமன் இசையமைத்துள்ளார். இயக்குனர் சுசீந்திரன் இயக்கியுள்ள இந்த படம் வருகிற ஜனவரி 14-ஆம் தேதி வெளியாகும் என அதிகாரப்பூர்வமாக அறிவிக்கப்பட்டது . இது குறித்து படக்குழுவினர் வெளியிட்ட அதிரடியான போஸ்டரில் ஜல்லிக்கட்டு காளை ஜனவரி 14ஆம் தேதி வரான் என குறிப்பிடப்பட்டிருந்தது.
இந்நிலையில் இந்த படத்தின் இசை வெளியீட்டு விழா எக்மோரில் உள்ள ஆல்பர்ட் திரையரங்கில் நடைபெற உள்ளது. ஏற்கனவே இந்த படத்தில் இருந்து வெளியான ‘தமிழன் பாட்டு’ ரசிகர்களிடையே நல்ல வரவேற்பை பெற்ற நிலையில் மீதமுள்ள அனைத்து பாடல்கள் மீது ரசிகர்கள் மிகுந்த எதிர்பார்ப்பில் உள்ளனர் .