“இனிமேல் தான் ஆட்டமே இருக்கு” அடுத்தடுத்து படம் – சிம்பு…!!

இனிமேல் தான் ஆட்டமே இருக்கு என்று நடிகர் சிம்பு எஈஸ்வரன் இசை வெளியீட்டு விழாவில் தெரிவித்துள்ளார்.

சுசீந்திரன் இயக்கத்தில் சிம்பு நடிப்பில் உருவான படம் ஈஸ்வரன். இந்த படத்தின் இசை வெளியீட்டு விழா சென்னையில் நடைபெற்றது. இதில் இயக்குனர் சுசீந்திரன், சிம்பு உள்ளிட்ட படக்குழுவினர் கலந்துக் கொண்டுள்ளனர். இந்நிலையில் இசை வெளியீட்டு விழாவில் நடிகர் சிம்பு பேசுகையில், “இதுவரை நான் எப்படி இருந்தேன், எப்படி மாறினேன் என்பது இறைவனுக்கு மட்டுமே தெரியும். ஒரு கட்டத்தில் நான் மிகவும் மன கஷ்டத்திலிருந்தேன். அதனால் என்னுடைய உடல் மிகவும் கூடி இருந்தது.

இறைவன் எங்கேயும் இல்லை என் உள்ளத்தில் தான் இருக்கிறார். உள்ளத்தை சரி செய்தேன், இப்போ எல்லாம் நன்றாகவே நடந்து கொண்டிருக்கின்றது. எல்லோரிடமும் அன்பு செலுத்துங்கள். ரசிகர்களுக்கும் ஒன்று சொல்ல ஆசைப்படுகிறேன். பேச எதுவுமில்லை. இனி எல்லாமே செயல் தான். அடுத்தடுத்து என்னுடைய நடிப்பில் படங்கள் வெளியாக இருக்கின்றது. படக்குழுவினர் அனைவருக்கும் நன்றி தெரிவிக்கிறேன்” என்று கூறியுள்ளார்.