உலகம் முழுவதும் நான்கு வகையான கொரோனா வைரஸ் உருமாறியுள்ளதாக உலக சுகாதார அமைப்பு அதிர்ச்சித் தகவலை தெரிவித்துள்ளது.
சீனாவில் தோன்றிய கொரோனா தொற்று, தற்போது உலக நாடுகள் முழுவதிலும் பரவி அனைவரையும் ஆட்டிப் படைத்துக் கொண்டிருக்கிறது. அதனால் தற்போது வரை ஏராளமான உயிரிழப்புகள் ஏற்பட்டுள்ளன. அதற்கு எதிரான தடுப்பூசி கண்டறியும் முயற்சியில் உலக நாடுகள் அனைத்தும் தீவிரம் காட்டி வருகின்றன. சில நாடுகளில் கொரோனா தடுப்பு ஊசி இறுதிகட்ட பரிசோதனையை எட்டியுள்ளது. இருந்தாலும் சில நாடுகளில் கொரோனா வின் தாக்கம் இன்னும் குறையாமல் நாளுக்கு நாள் அதிகரித்துக் கொண்டே வருகிறது. இந்நிலையில் பிரிட்டனில் உருமாறிய கொரோனா வைரஸால் உலக நாடுகள் அனைத்தும் அச்சமடைந்துள்ளனர்.
இதனையடுத்து உலகம் முழுவதும் நான்கு வகையான கொரோனா வைரஸ் உரு மாறியுள்ளதாக உலக சுகாதார அமைப்பு அதிர்ச்சி தகவலை தெரிவித்துள்ளது. அனைத்திலும் சில மாற்றங்களே இருப்பதால் பெரிய அளவில் பாதிப்பு இருக்காது என்றாலும், உருமாறிய வைரசுக்கு தடுப்பூசிகள் பயனளிக்கும் என்பதை குறித்து இதுவரை ஆய்வு முடிவுகள் இல்லை என்றும் தெரிவித்துள்ளது.