பல் துலக்கும் போது…. கோவிலில் நடந்த சம்பவம்… காவலாளிக்கு நேர்ந்த சோகம்…!!

காவலாளி கிணற்றுக்குள் தவறி விழுந்து பலியான சம்பவம் அப்பகுதியில் பெரும் சோகத்தை ஏற்படுத்தியுள்ளது

தூத்துக்குடி மாவட்டத்திலுள்ள குலசேகரப்பட்டினம் முப்புடாதி அம்மன் கோவில் தெருவில் திருமலைநம்பி என்பவர் வசித்து வருகிறார். இவர் குலசேகரன்பட்டினம் சிதம்பரேஸ்வரர் கோவில் காவலாளியாக பணியாற்றி வருகிறார். இந்நிலையில் இரவு நேர பணி முடிந்து அதிகாலையில் அக்கோவிலின் கிணற்றின் பக்கத்தில் நின்றுகொண்டு பல் துலக்கி கொண்டு இருந்த போது, திருமலைநம்பி கிணற்றுக்குள் எதிர்பாராவிதமாக தவறி விழுந்தார்.

இதனால் அவரின் தலையில் பலத்த காயம் ஏற்பட்டு கிணற்று தண்ணீரில் மூழ்கி உயிரிழந்தார். இச்சம்பவம் குறித்து தகவல் அறிந்த திருச்செந்தூர் தீயணைப்பு வீரர்கள் விரைந்து வந்து கிணற்றுக்குள் இறங்கி திருமலைநம்பியின் உடலை கைப்பற்றினர்.  இதனையடுத்து சடலத்தை குலசேகரன்பட்டினம் போலீசார் பிரேத பரிசோதனைக்காக திருச்செந்தூர் அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்கு பதிந்து விசாரித்து வருகின்றனர்.