தமிழகத்தில் விஜயை அரசியலுக்கு அழைக்கும் வகையில் அவரது ரசிகர்கள் அமெரிக்க அதிபருடன் விஜய் இருப்பது போன்ற போஸ்டர்களை ஒட்டியுள்ளனர்.
தமிழகத்தில் விரைவில் சட்டமன்றத் தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. கடந்த மாதத்தில் இருந்து தமிழகத்தின் அனைத்து பகுதிகளிலும் தேர்தல் பிரசாரம் களைகட்டி வருகிறது. இதற்கு மத்தியில் ரஜினிகாந்த் அரசியலுக்கு வருவார் என்று எதிர்பார்த்த நிலையில், அவர் கட்சி தொடங்கப் போவது இல்லை என்று அறிவித்துவிட்டார்.
இதனையடுத்து விஜய் ரசிகர்கள் போஸ்டர் மூலமாக விஜய் அரசியலுக்கு வருவார் என்று பரபரப்புத் தகவலை வெளியிட்டு வருகின்றனர். போஸ்டர் மூலமாக அரசியலுக்கு அழைக்கத் துவங்கிவிட்டனர். தளபதி வந்தால் தமிழகம் அமெரிக்கா எனவும், நேற்று ரசிகர் மன்றம், இன்று மக்கள் மன்றம், நாளை சட்டமன்றம் என விஜய் அமெரிக்க அதிபர் ஜோ பிடன் மற்றும் கமலா ஹாரிஸ் உடன் இருப்பது போல போஸ்டர்கள் ஒட்டப்பட்டுள்ளது.