விபத்தில் சிக்கி தொழிலாளி பலியான சம்பவம் ஊத்தங்கரை அருகே சோகத்தை ஏற்படுத்தியுள்ளது.
கிருஷ்ணகிரி மாவட்டத்திலுள்ள ஊத்தங்கரை பகுதியில் உள்ள புதுரோட்டை சேர்ந்தவர் சீனிவாசன். இவர் கூலி வேலை செய்து வருகிறார். இந்நிலையில் சீனிவாசன் இருசக்கர வாகனத்தில் சென்று கொண்டிருக்கும்போது அவர் வைத்திருந்த மூங்கில் குச்சி எதிரே வந்த பஸ் மீது மோதியதால் நிலைதடுமாறி கீழே விழுந்தார். பின்பு அவர் பஸ்ஸின் பின்பக்க டயரில் சிக்கி பரிதாபமாக இறந்தார்.
இச்சம்பவம் குறித்து தகவல் அறிந்த போலீசார் சம்பவ இடத்திற்கு விரைந்து வந்து தொழிலாளியின் உடலை கைப்பற்றி ஊத்தங்கரை அரசு மருத்துவமனைக்கு அனுப்பி வைத்தனர். மேலும் வழக்கு பதிவு செய்து தீவிர விசாரணை மேற்கொண்டு வருகின்றனர்.
