ஈஸ்வரன் படம் வெளியாவதற்கு இன்னும் 8 நாட்களே உள்ளது என நடிகர் சிம்பு வீடியோ ஒன்றை வெளியிட்டுள்ளார்.
தமிழ் திரையுலகில் நட்சத்திர நாயகனாக வலம் வரும் சிம்பு நடிப்பில் தயாராகியுள்ள திரைப்படம் ஈஸ்வரன். சுசீந்திரன் இயக்கியுள்ள இந்த படத்தில் நிதி அகர்வால் ,நந்திதா ,பாரதிராஜா ,பாலா சரவணன் உள்ளிட்ட பலர் நடித்துள்ளனர் . சமீபத்தில் இந்த படத்தின் டீசர் மற்றும் பாடல்கள் வெளியாகி ரசிகர்களிடையே நல்ல வரவேற்பை பெற்றது . இந்த படம் வருகிற பொங்கல் தினத்தில் ஜனவரி 14 ஆம் தேதி தியேட்டர்களில் வெளியாக இருப்பதால் சிம்பு ரசிகர்கள் மிகுந்த உற்சாகத்தில் உள்ளனர் .
இந்த படத்தின் ட்ரைலர் வருகிற ஜனவரி 9ஆம் தேதி வெளியாகும் என அறிவிக்கப்பட்டிருந்தது . இந்நிலையில் ஈஸ்வரன் படம் வெளியாக இன்னும் எட்டு நாட்களே உள்ளது என நடிகர் சிம்பு வீடியோ ஒன்றை இன்ஸ்டாகிராமில் வெளியிட்டுள்ளார் . அதில் ஈஸ்வரன் பொங்கல் என குறிப்பிட்டு பின்னணியில் படத்தில் இடம்பெற்றுள்ள மாங்கல்யம் பாடல் ஒலிக்கிறது .