மார்கழி மாத திருப்பாவை பாசுரத்துக்காக ஒன்பது நடிகைகள் இணைந்துள்ளனர்.
நடிகைகள் சுகாசினி ,ரேவதி, ரம்யா நம்பீசன், கனிகா, உமா பத்மநாபன், நித்யா மேனன் ,அனுஹாசன், ஜெயஸ்ரீ ஆகிய 8 பேர் இணைந்து மார்கழி மாத திருப்பாவை பாசுரத்தை பாடியுள்ளனர் . நடிகை சோபனா இந்த பாடலுக்கு நடனமாடியுள்ளார் . இதுகுறித்து நடிகை சுஹாசினி ‘மார்கழித்திங்கள் தென்னிந்திய கலாச்சாரம் மற்றும் பாரம்பரியங்களை இன்றைய இளைய சமுதாயத்திற்கு மறு அறிமுகம் செய்யும் முயற்சியாக நாங்கள் எங்கள் சொந்த குரலில் மார்கழி திங்கள் என்ற திருப்பாவை முதல் பாசுரத்தை பாடியுள்ளோம்’ எனக் கூறியுள்ளார் .
மேலும் அவர் இந்தப் பாடலை பெரும்பாலும் செல்போனிலேயே பாடி பதிவு செய்துள்ளதாகவும் , இது அற்புதமாக தொகுக்கப்பட்டுள்ளதாகவும் கூறியுள்ளார் . இந்த பாடல் மக்களை மகிழ்விக்கும் என அவர் தெரிவித்துள்ளார் . பிரபல நடிகைகள் இணைந்து பாடியுள்ள இந்த திருப்பாவை பாசுரத்தை உலக நாயகன் கமல்ஹாசன், நடிகர் மாதவன் மற்றும் இசையமைப்பாளர் ஏ.ஆர்.ரஹ்மான் ஆகியோர் இணைந்து வெளியிடுகின்றனர்.