திருப்பத்தூரில் வெலக்கல்நத்தம் ஊராட்சிக்குட்பட்ட கிடப்பனுர் பகுதியில் மண் சாலையை தார் சாலையாக மாற்றி தர வேண்டும் என்று அப்பகுதி மக்கள் போராட்டம் நடத்தினர்.
திருப்பத்தூர் வெலக்கல்நத்தம் ஊராட்சிக்குட்பட்ட கிடப்பனுர் பகுதியில் மண் சாலை மிகவும் மோசமான நிலையில் உள்ளது.இதனால் அப்பகுதியில் வசிக்கும் 300க்கும் மேற்பட்ட குடும்பங்கள் தங்களது தேவைக்காக வெலக்கல்நத்தம் பகுதிக்கு செல்ல வேண்டுமென்றால் கூட மூன்று கிலோமீட்டர் தூரம் சுற்றி கொண்டு செல்ல வேண்டிய சூழ்நிலையில் இருக்கிறார்கள்.
இதனால் அவர்கள் மண் சாலையை தார் சாலையாக மாற்றி தர வேண்டும் என்று அரசிடம் பலமுறை கோரிக்கை விடுத்துள்ளனர். ஆனால் பொதுமக்களின் கோரிக்கையை ஏற்று அதிகாரிகள் எந்த நடவடிக்கையும் எடுக்காததால் இன்று அப்பகுதி மக்கள் மண் சாலையில் நாற்று நட்டு போராட்டத்தில் ஈடுபட்டனர்.