பாராளுமன்ற காங்கிரஸ் கட்சியின் குழு தலைவராக சோனியா காந்தி தேர்வு செய்யப்பட்டுள்ளார்.
நடந்து முடிந்த மக்களவை தேர்தலில் வெற்றிபெற்று காங்கிரஸ் கட்சி சார்பில் புதிதாகத் தேர்வு செய்யப்பட்ட மக்களவை எம்.பி.க்களின் முதல் கூட்டம் டெல்லியில் பாராளுமன்ற வளாகத்தில் நடைபெற்றது. இந்தக் கூட்டத்தில் காங்கிரஸ் கட்சியின் சார்பில் உள்ள 52 மக்களவை எம்.பி.க்களுடன் சேர்த்து மாநிலங்களவை எம்.பி.க்களும் இந்தக் கூட்டத்தில் பங்கேற்கின்றனர்.
பாராளுமன்ற வளாகத்தில் நடைபெறுகின்ற இந்தக் கூட்டத்தில் காங்கிரஸ் கட்சியின் பாராளுமன்ற குழு தலைவர் பொறுப்புக்கு சோனியா காந்தியின் பெயரை முன்னாள் பிரதமர் மன்மோகன் சிங் பரிந்துரை செய்தார். இதை ஒட்டு மொத்த MP_க்களும் ஏற்றுக் கொண்டனர். இதையடுத்து, சோனியா காந்தி பாராளுமன்ற காங்கிரஸ் குழு தலைவராக தேர்வு செய்யப்பட்டார். இதனால் மக்களவை, மாநிலங்களவை என இரண்டிற்கும் காங்கிரஸ் கட்சியின் தலைவராக சோனியா காந்தி இருப்பார்.