தமிழகத்தில் பொங்கல் பண்டிகையை முன்னிட்டு சிறப்பு ரயில்கள் இயக்கப்பட உள்ளதால் அதற்கான டிக்கெட் முன்பதிவு இன்று தொடங்கியுள்ளது.
தமிழகத்தில் பொங்கல் பண்டிகையை முன்னிட்டு சென்னையில் இருந்து அனைத்து பகுதிகளுக்கும் சிறப்பு ரயில்கள் இயக்கப்பட உள்ளதாக ரயில்வே துறை அறிவித்துள்ளது. அதன்படி சென்னை-நாகர்கோவில், சென்னை-கோவை இடையே சிறப்பு ரயில்கள் இயக்கப்பட உள்ளதாக அறிவிக்கப்பட்டுள்ளது. மேலும் சென்னை எழும்பூர்-நாகர்கோவில் ரயில் ஜனவரி 12 மற்றும் 13 ஆம் தேதி அன்று இரவு 10.30 மணிக்கு புறப்படும். நாகர்கோவிலில் இருந்து ஜனவரி 16 மற்றும் 17 ஆம் தேதி மதியம் 2.30 மணிக்கு புறப்படும்.
சென்னை சென்ட்ரல்-கோவை ரயில் ஜனவரி 13-ஆம் தேதி அன்று இரவு 10.30 மணிக்கு புறப்படும். கோவையிலிருந்து ஜனவரி 17-ஆம் தேதி இரவு 8 மணிக்கு புறப்படும் என்று கூறப்பட்டுள்ளது. அந்த சிறப்பு ரயில்களுக்கான முன்பதிவு இன்று காலை 8 மணிக்கு தொடங்கியுள்ளது. அதனால் பொங்கல் பண்டிகைக்கு தங்கள் சொந்த ஊருக்கு செல்ல விரும்பும் பொதுமக்கள் அனைவரும் முன்பதிவு செய்துகொள்ள வேண்டும் என அறிவுறுத்தப்பட்டுள்ளது.