மோடி கோயில் சென்றால் நாங்கள் மசூதி செல்வோம் என்று அசாதுதின் ஓவைசி தெரிவித்துள்ளார்.
மக்களவை தொகுதியில் பா.ஜ.க தனிப்பெரும்பான்மையுடன் வெற்றி பெற்றுள்ளதால் பிரதமர் மோடி மீண்டும் பிரதமராக பொறுப்பேற்றுள்ளார்.இந்நிலையில் ஐதராபாத் மக்களவை தொகுதியில் தொடர்ச்சியாக 4-வது முறை வெற்றி பெற்றுள்ள ஏ.ஐ.எம்.ஐ.எம் கட்சியின் தலைவர் அசாதுதின் ஓவைசி, நிகழ்ச்சி ஒன்றில் கலந்து கொண்டு பேசினார்.
அப்போது அவர் பேசியதாவது “ மோடியால் கோவிலுக்குள் சென்று வணங்க முடியும் என்றால், நாமும் நம்முடைய மசூதிகளுக்கு செல்லலாம். மோடி குகைக்குள் அமர்ந்து தியானம் செய்ய முடியுமென்றால், முஸ்லீம்களாகிய நாமும், பெருமையுடன் மசூதிகளுக்கு சென்று தொழுகை நடத்தலாம். அதனால் நாம் பயப்பட தேவையில்லை. பாஜக 300 இடங்களில் வெற்றி பெற்றது மிகப்பெரிய விஷயம் ஒன்றும் இல்லை. ஏனென்றால், இந்தியா அரசியலமைப்பில் வாழ்கிறது.அவர்கள் (பாஜக) 300 தொகுதிகளில் வென்று விட்டதால் நமது உரிமைகளை பறித்து விட முடியாது” என்றார்.