நடிகர் தனுஷ் நடிப்பில் தயாராகியுள்ள ‘ஜகமே தந்திரம்’ ரிலீஸ் தேதி குறித்த தகவல் வெளியாகியுள்ளது.
தமிழ் திரையுலகில் நட்சத்திர நாயகனாக வலம் வரும் தனுஷ் நடிப்பில் கர்ணன் மற்றும் ஜகமே தந்திரம் ஆகிய படங்கள் ரிலீசுக்கு தயாராகியுள்ளது. இதில் தனுஷின் 40 வது படமான ‘ஜகமே தந்திரம்’ படத்தை இயக்குனர் கார்த்திக் சுப்புராஜ் இயக்கி உள்ளார். இந்த படத்தில் கதாநாயகியாக ஐஸ்வர்யா லட்சுமி நடித்துள்ளார். இந்த படத்தில் நடிகர் தனுஷ் மதுரை கேங்ஸ்டராக நடித்துள்ளார் . மேலும் இந்த படத்தில் ஜோஜு ஜார்ஜ், கலையரசன் மற்றும் ஹாலிவுட் நட்சத்திரம் ஜேம்ஸ் காஸ்மோ ஆகியோர் முக்கிய பாத்திரத்தில் நடித்துள்ளனர். ரிலையன்ஸ் என்டர்டைன்மென்ட் நிறுவனத்துடன் இணைந்து ஒய் நாட் ஸ்டுடியோஸ் இந்த படத்தை தயாரித்துள்ளது .
இந்தப் படம் தயாராகி கடந்த வருடம் மே மாதம் ரிலீசாக இருந்தது. ஆனால் கொரோனா பரவல் காரணமாக திரையரங்குகள் மூடப்பட்டதால் இந்த படத்தின் ரிலீஸ் தள்ளி வைக்கப்பட்டது. சமீபத்தில் இந்த படம் ஒடிடி தளத்தில் வெளியாகும் என பரவிய வதந்தியை படக்குழு மறுத்தது. நிச்சயம் இந்த படம் திரையரங்குகளில் தான் வெளியாகும் என தயாரிப்பாளர் அறிவித்திருந்தார். இந்நிலையில் வருகிற பிப்ரவரி 12ஆம் தேதி ‘ஜகமே தந்திரம்’ படம் ரிலீசாகும் என தகவல் வெளியாகியுள்ளது.