தமிழகத்தில் ஜனவரி 18 முதல் ஜனவரி 25ஆம் தேதி வரை பொங்கல் பரிசு தொகுப்பு வழங்கப்படும் என தமிழக அரசு அறிவித்துள்ளது.
தமிழகத்தில் பொங்கல் பண்டிகையை மக்கள் அனைவரும் உற்சாகமாக கொண்டாட வேண்டும் என்பதற்காக, அனைத்து ரேஷன் அட்டைதாரர்களுக்கு பொங்கல் பரிசு 2500 ரூபாய் வழங்கப்பட்டு வருகிறது. ஜனவரி மூன்றாம் தேதி முதல் 13ஆம் தேதி வரை பொங்கல் பரிசு தொகுப்பு வழங்கப்படும் என அரசு அறிவித்திருந்தது.
இந்நிலையில் தமிழகத்தில் ஜனவரி 18ஆம் தேதி முதல் ஜனவரி 25ஆம் தேதி வரை பொங்கல் பரிசு மற்றும் 2500 ரூபாய் தொகுப்பு விநியோகம் செய்யப்படும் என தமிழக அரசு அறிவித்துள்ளது. குடும்ப அட்டைதாரர்கள் அனைவருக்கும் வழங்க ஏதுவாக பொங்கல் பரிசு வழங்க அவகாசம் நீட்டிக்கப்பட்டுள்ளதாக தெரிவிக்கப்பட்டுள்ளது. பொங்கல் துணிப்பை பெறாதவர்களும் துணிப்பை வழங்க வேண்டும் என்று அரசு உத்தரவிட்டுள்ளது.