விக் வைத்து ஐந்து ஆண்டுகளாக ஏமாற்றிய கணவர் மீது இளம்பெண் புகார் அளித்துள்ளார்.
சென்னை ஆலப்பாக்கத்தில் சேர்ந்த ராஜசேகர் என்பவர் ஐந்து ஆண்டுகளுக்கு முன்பு மேட்ரிமோனியில் மூலம் பெண் பார்த்து திருமணம் செய்து கொண்டுள்ளார். இருவீட்டார் சம்மதத்துடன் நடந்த இந்த திருமணத்தில் வரதட்சணை 50 சவரன் நகை மற்றும் இரண்டு லட்சம் ரொக்கப் பணம் கொடுக்கப்பட்டதாக கூறப்படுகிறது. திருமணமாகி 5 ஆண்டுகள் ஆகியும் மனைவியுடன் நெருங்கிப் பழகாமல் இருந்துள்ளார். இதனால் இருவர் இடையே மனக்கசப்பு ஏற்பட்டுள்ளது.
ராஜசேகர் ஏன் இப்படி இருக்கிறார் என்று அவரது மனைவிக்கு புரியாமல் இருந்து வந்துள்ளது. இருவரும் ஒரு நாள் நெருங்கி பழகியுள்ளனர். அப்போது எதிர்பாராதவிதமாக அவரது தலையில் இருந்த விக் கீழே விழுந்தது. இதை கண்ட மனைவி அதிர்ச்சி அடைந்தார். அவர் வழுக்கைத்தலை என்பதும், விக் வைத்து ஐந்து ஆண்டுகளாக மறைத்து வந்துள்ளார் என்பதும் தெரியவந்தது. இதனால் அதிர்ச்சி அடைந்த அவரது மனைவி மகளிர் காவல் நிலையத்தில் ராஜசேகர் மீது புகார் அளித்துள்ளார். இதையடுத்து ராஜசேகர் மீது நம்பிக்கை மோசடி மற்றும் அவரது பெற்றோர்கள் மீதும் வழக்குப்பதிவு செய்யப்பட்டுள்ளது.