காரைக்குடியில் இரண்டு இரு சக்கர வாகனங்கள் மோதிய விபத்தில் ஒருவர் சம்பவ இடத்திலேயே பரிதாபமாக உயிரிழந்தார்.
சிவகங்கை மாவட்டத்தில் உள்ள காரைக்குடி செக்காலை பகுதியைச் சார்ந்த வியாபாரி காசி. இவர் இருசக்கர வாகனத்தில் செக்காலை பகுதியில் சென்று கொண்டிருக்கும்போது எதிரே வந்த தினேஷ் குமார் என்பவரின் இருசக்கர வாகனத்தின் மீது மோதி விபத்துக்குள்ளானது. இந்த விபத்தில் சம்பவ இடத்திலேயே காசி உயிரிழந்தார். மற்றொரு இரு சக்கர வாகனத்தில் வந்த தினேஷ்குமார் படுகாயமடைந்து மருத்துவமனையில் சிகிக்சைக்காக அனுமதிக்கப்பட்டார். மேலும் இரண்டு இருசக்கர வாகனங்கள் நேருக்கு நேர் மோதியதில் வாகனங்கள் தீப்பிடித்து எரிந்த காட்சிகள் அங்குள்ள சிசிடிவி கேமராவில் பதிவாகி தற்போது வெளியாகியுள்ளது.
இச்சம்பவம் குறித்து தகவல் அறிந்த காவல்துறையினர் சம்பவ இடத்திற்கு விரைந்து வந்து காசியின் உடலை கைப்பற்றி உடல்கூறு ஆய்விற்காக காரைக்குடி அரசு மருத்துவமனைக்கு அனுப்பி வைத்துள்ளனர். இது குறித்து காவல்துறையினர் தீவிர விசாரணை மேற்கொண்டு வருகின்றனர்.