கோலிவுட்டின் முன்னணி நடிகரான விஜய்யின் அடுத்த படத்தை இயக்க இரண்டு இயக்குனர்கள் இடையே கடும் போட்டி நிலவுகிறது.
பொங்கல் தினத்தை முன்னிட்டு மாஸ்டர் திரைப்படம் பல்வேறு தடைகளை தாண்டி உலகமெங்கும் வெளியாகி உள்ளது. லோகேஷ் கனகராஜ் இயக்கத்தில் விஜய்சேதுபதி வில்லனாக நடித்திருக்கும் இந்த படம் கடந்த ஆண்டே வெளியாக இருந்தது. அனால் கொரோனா காரணமாக இந்த வருடம் வெளியாகி உள்ளது.
இந்நிலையில் நீண்ட தாமதத்தால் தயாரிப்பாளர் லலித் பாதிக்கப்பட்டிருக்கிறார் என்பதனால், அவருக்காக அடுத்த படத்தை நடித்து கொடுக்க விஜய் முடிவு செய்திருக்கிறாராம். இந்தப் படத்தை இயக்குவதற்கு இயக்குனர் சிவா மற்றும் வினோத் ஆகியோருடைய பெயர்கள் பரிந்துரைக்கபடுகிறது. இதில் யார் விஜய் படத்தை இயக்குவார்கள் என்று விரைவில் தெரியவரும் என்கிறது கோலிவுட் வட்டாரம்.