வேலை செய்து கொண்டிருந்த பெண்… திடீரென வந்த பாம்பு… நேர்ந்த துயர சம்பவம்…!!

தோட்டத்தில் வேலை பார்த்துக் கொண்டிருந்த பெண்ணை பாம்பு கடித்து அவர் உயிரிழந்த சம்பவம் சோகத்தை ஏற்படுத்தியுள்ளது.

திருச்சிராப்பள்ளி மாவட்டத்திலுள்ள தேவிமங்கலம் கரியமாணிக்கம் பிரிவு ரோட்டில் கண்ணன் என்ற விவசாய வசித்து வருகிறார். இவருக்கு மகாலெட்சுமி என்ற ஒரு மனைவி உள்ளார். இவர் அங்குள்ள ஒரு தோட்டத்தில் வேலை பார்த்துக் கொண்டிருந்தார். அப்போது திடீரென அங்கு வந்த ஒரு பாம்பு மகாலெட்சுமியை கடித்ததால் கண்ணன் அவரை உடனடியாக மீட்டு மண்ணச்சநல்லூர் அரசு மருத்துவமனைக்கு சிகிச்சைக்காக கொண்டு சென்றார்.

ஆனால் அங்கு அவருக்கு அளிக்கப்பட்ட சிகிச்சை பலனளிக்காமல் அவர் பரிதாபமாக இறந்துவிட்டார். இதனையடுத்து மகாலட்சுமியின் உடலை கைப்பற்றிய சிறுகனூர் போலீசார் ஸ்ரீரங்கம் அரசு மருத்துவமனைக்கு பிரேத பரிசோதனைக்காக அனுப்பிவைத்தனர். மேலும் இச்சம்பவம் குறித்து வழக்கு பதிந்த போலீசார் விசாரித்து வருகின்றனர்.