தொழிலாளியை தாக்கிய இரண்டு பேரை காவல்துறையினர் கைது செய்தனர். இதனால் அப்பகுதியில் பெரும் பரபரப்பு ஏற்பட்டுள்ளது.
நாமக்கல் மாவட்டம் சேந்தமங்கலத்தில் உள்ள வடுகபட்டியில் இரு நாட்களுக்கு முன்பு பொங்கல் பண்டிகையையொட்டி வழுக்கு மரம் ஏறும் போட்டி நடந்தது. அப்போது அந்த பகுதியை சேர்ந்த பெரியசாமி மற்றும் அஜித் ஆகியோர் மோட்டார் சைக்கிளில் அவ்வழியாக வேகமாக சென்றுள்ளனர். அப்பொழுது அதே பகுதியை சேர்ந்த தொழிலாளியான வல்லரசு என்பவர் மோட்டார் சைக்கிளில் மெதுவாக செல்லுமாறு அறிவுறுத்தி உள்ளார்.
இதனால் அவர்களுக்கு இடையே தகராறு ஏற்பட்டுள்ளது. இதில் அஜித், பெரியசாமி ஆகியோர் வல்லரசுவை தாக்கியதாக கூறப்படுகிறது. இதில் காயமடைந்த வல்லரசு சேந்தமங்கலம் காவல் நிலையத்தில் புகார் அளித்தார். புகாரின்பேரில் காவல்துறையினர் வழக்கு பதிவு செய்து அஜித் மற்றும் பெரியசாமியை கைது செய்துள்ளனர்.