இளைஞர் ஒருவர் கபடி விளையாடிக்கொண்டிருந்த போதே உயிரிழந்துள்ள சம்பவம் பரபரப்பை ஏற்படுத்தியுள்ளது.
ஆந்திர மாநிலம் கடப்பா மாவட்டத்தில் கங்கன பள்ளியில் மாவட்ட அளவிலான கபடி போட்டி நடைபெற்றது. இந்த போட்டியில் அதே பகுதியை சேர்ந்த பட்டதாரி இளைஞரான நரேந்திரா தன்னுடைய அணியோடு சேர்ந்து விளையாடியுள்ளார். அப்போது கபடி ஆடி செல்கையில், எதிரணியினர் மடக்கி பிடித்த போது அவர்கள் அனைவரும் நரேந்திரா மீது விழுந்துள்ளனர். இதையடுத்து சற்று நேரத்தில் அவரிடமிருந்து வந்த கபடி, கபடி என்ற சத்தம் நின்று போயுள்ளது.
அப்போது அங்கிருந்து எழுந்து நரேந்திரா சுமார் கொஞ்ச தூரம் நடந்து சென்ற போது மயங்கி கீழே விழுந்து மரணம் அடைந்துள்ளார். அவரை அங்கிருந்த அதிகாரிகள் மருத்துவமனைக்கு கொண்டு சென்றுள்ளனர். இதையடுத்து அவரை பரிசோதித்த மருத்துவர்கள் அவர் ஏற்கனவே இறந்து விட்டதாக கூறியுள்ளனர். இந்த சம்பவம் அந்த பகுதி மக்களிடையே பெரும் பரபரப்பையும், சோகத்தையும் ஏற்படுத்தியுள்ளது.