அமேசான் ப்ரைமில் வெளியான தாண்டவ் எனும் வெப் சீரிஸ் சமிபத்தில் சர்ச்சையைக் கிளப்பியுள்ளது. இந்த தொகுப்பில் இந்து மக்களையும், மதத்தையும் இழிவுப்படுத்தும் விதமாக காட்சிகள் இருப்பதாக பல்வேறு இந்து அமைப்பினர் குற்றம் சாட்டினர். மேலும், இதுதொடர்பாக காவல்நிலையத்தில் புகார்களும் கொடுக்கப்பட்டுள்ளது. இந்நிலையில், இந்த வீடியோவினை தயாரித்து வெளியிட்டுள்ள அமேசான் செயலியைப் புறக்கணிக்க வேண்டும் என பலரும் இணையத்தில் பதிவிட்டு வருகின்றனர்.
அந்த அடிப்படையில் unistallAmazon எனும் ஹேஷ்டேக்கினை வைரலாக்கி வருகின்றனர். பலரும் அமேசான் செயலியை டெலிட் செய்துவருவதாகவும் பதிவிட்டுள்ளனர். இந்த ஹேஷ்டாக்கில் எழுத்துப் பிழை இருப்பினும் இது தற்போது ட்விட்டர் டிரெண்டில் முதலிடத்தில் உள்ளது என்பது குறிப்பிடத்தக்கது.