ஷாங்காய் ஒத்துழைப்பு மாநாட்டில் பிரதமர் மோடி மற்றும் இம்ரான்கான் பரஸ்பரம் சந்தித்து கொண்டதாக தகவல் வெளியாகியுள்ளது.
ஜெர்மனி நாட்டின் தலைநகரான பெர்லின் நகரில் ஷாங்காய் ஒத்துழைப்பு மாநாடு இரண்டு நாட்கள் நடைபெற்றது. இதில் இந்திய பிரதமர் மோடி , பாகிஸ்தான் பிரதமர் இம்ரான்கான் உட்பட பல்வேறு உலக நாட்டு தலைவர்கள் ஒரே இடத்தில் ஓன்று கூடினர். ஷாங்காய் மாநாட்டின் போது பிரதமர் மோடியுடன் பேச்சுவார்த்தை நடத்த பாகிஸ்தான் ஆர்வம் காட்டியது. ஆனால் பாகிஸ்தான் பயங்கரவாதத்தை ஆதரிப்பதை முழுமையாக கைவிடாதவரை, பேச்சுவார்த்தை நடத்தப்பட வாய்ப்பு இல்லை என்று இந்தியா திட்டவட்டமாக தெரிவித்திருந்தது.
இந்நிலையில் , ஷாங்காய் ஒத்துழைப்பு மாநாட்டில் பிரதமர் நரேந்திர மோடியும் , பாகிஸ்தான் பிரதமர் இம்ரான் கானும் ஒரே இடத்தில் சந்திக்கும் சூழல் உருவாகிய நிலையில் இருவரும் பரஸ்பரம் நலம் விசாரித்துக்கொண்டதாகவும் , மீண்டும் பிரதமராக தேர்வு செய்யப்பட்டதற்காக பிரதமர் மோடிக்கு இம்ரான் கான் வாழ்த்துக்களை தெரிவித்ததாகவும் தகவல் வெளியாகியுள்ளது.