சிதம்பரம் ராஜா முத்தையா அரசு மருத்துவ கல்லூரி மாணவர்கள் 46 வது நாளாக தொடர்ந்து போராட்டத்தில் ஈடுபட்டு வருகின்றனர்.
அரசுக் கல்லூரியாக செயல்படும் என்று அறிவிக்கப்பட்ட பின்னரும் சிதம்பரம் ராஜா முத்தையா அரசு மருத்துவக் கல்லூரி நிர்வாகம் லட்சக்கணக்கில் கட்டணம் வசூலிப்பதாக கூறி அதை எதிர்த்து 46 நாட்களாக மாணவர்கள் போராட்டத்தில் ஈடுபட்டு வருகின்றனர். இந்நிலையில் கல்லூரியை காலவரையின்றி மூடிய கல்லூரி நிர்வாகம் மாணவர் விடுதிகளில் உணவு, நீர், மின்சாரம் உள்ளிட்ட அனைத்தையும் துண்டித்துள்ளது. எனினும் மாணவர்கள் தங்கள் போராட்டத்தை தொடர்கின்றனர்.