புதுச்சேரி மாநிலத்தில் காங்கிரஸ் அமைச்சர் நமச்சிவாயம் இன்று தனது அமைச்சர் பதவியை ராஜினாமா செய்து பாஜக-வில் இணைய போவதாக தகவல் வெளியாகியுள்ளது.
காங்கிரஸ் அமைச்சர் நமச்சிவாயம் பாஜகவில் இணைவதற்காக தனது ஆதரவாளர்களுடன் கடந்த சில நாட்களாக ஆலோசனை நடத்தி வந்தார். இதன்படி அவர் நாளை மறுநாள் டெல்லி சென்று பாஜகவின் தலைவர் நாட்டாவை சந்தித்து பாஜக கட்சியில் இணையப் போகிறார். மேலும் பிரதமர் மோடியையும் உள்துறை அமைச்சர் அமித்ஷாவையும் சந்திக்க திட்டமிட்டுள்ளதாகவும் தெரிய வந்துள்ளது.
பாஜகவில் இணைவதற்கு முன்பாக நமச்சிவாயம் தனது அமைச்சர் பதவியையும், எம்எல்ஏ பதவியையும் ராஜினாமா செய்ய முடிவு செய்துள்ளார். அதனால் இன்று மதியம் புதுச்சேரியின் முதலமைச்சர் நாராயணசாமியை சந்தித்து தனது அமைச்சர் பதவியையும், சபாநாயகர் சிவக்கொழுந்தை சந்தித்து எம்எல்ஏ பதவியையும் ராஜினாமா செய்ய முடிவெடுத்துள்ளதாக தகவல் வெளியாகியுள்ளது. அமைச்சர் நமச்சிவாயத்தின் இந்த அதிரடி முடிவு அனைவருக்கும் அதிர்ச்சியை ஏற்படுத்தியுள்ளது.