லாரி டிரைவர் திடீரென மரணித்த சம்பவம் குறித்து போலீசார் தீவிர விசாரணை மேற்கொண்டு வருகின்றனர்.
வேலூர் மாவட்டத்தில் உள்ள காவேரிப்பாக்கம் பஜார் தெருவில் மணிகண்டன் என்பவர் வசித்து வருகிறார். இவர் லாரி டிரைவராக பணியாற்றி வந்துள்ளார். இந்நிலையில் திடீரென மணிகண்டன் இறந்துவிட்டார். இதனால் அதிர்ச்சி அடைந்த அவரது மனைவி காவேரிப்பாக்கம் போலீசாருக்கு தகவல் தெரிவித்துள்ளார்.
இதனையடுத்து சம்பவ இடத்திற்கு விரைந்து வந்த போலீசார் அவரின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இச்சம்பவம் குறித்து மணிகண்டனின் மனைவி அளித்த புகாரின் பேரில் போலீசார் வழக்குப்பதிவு செய்து மணிகண்டன் திடீர் மரணம் குறித்து விசாரணை மேற்கொண்டு வருகின்றனர்.