வாலிபர் குளத்தில் பிணமாக மிதந்து கிடந்த சம்பவம் குறித்து காவல்துறையினர் விசாரணை நடத்தி வருகின்றனர்.
நெல்லை மாவட்டத்தில் புதிய பஸ் நிலையம் அருகில் இருக்கும் வேய்ந்தான் குளத்தில் ஒரு ஆண் பிணம் கிடப்பதாக மேலப்பாளையம் போலீசாருக்கு தகவல் கிடைத்துள்ளது. இந்த தகவலின் பேரில் மேலப்பாளையம் போலீசார் மற்றும் பாளையங்கோட்டை தீயணைப்பு துறையினர் சம்பவ இடத்திற்கு விரைந்து வந்து அழுகிய நிலையில் இருந்த பிணத்தை குளத்துக்குள் இறங்கி மீட்டனர். பின்பு அவரை சோதித்த போது அவருடைய சட்டைப்பையில் ஓட்டுனர் உரிமம் கிடைத்துள்ளது.
அதில் அவர் கருவேலங்குலத்தைச் சார்ந்த அரிகரசுதன் என்பது தெரியவந்துள்ளது பின்னர் அவரது உடலை காவல் துறையினர் பிரேத பரிசோதனைக்காக பாளையங்கோட்டை அரசு மருத்துவமனைக்கு அனுப்பி வைத்தனர். மேலும் இச்சம்பவம் குறித்து மேலப்பாளையம் காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.