பிரேசிலில் விமானத்தில் சென்ற கால்பந்து ஆட்டக்காரர்கள் உள்பட 6 பேர் விபத்தில் உயிரிழந்த சம்பவம் சோகத்தை ஏற்படுத்தியுள்ளது.
பிரேசிலின் பிரபல கால்பந்து அணியான பால்மாஸ்ன் தலைவரும், அணியின் நாலு ஆட்டக்காரர்களும் கோயானியா பகுதியில் நடைபெறவிருக்கும் கால்பந்து விளையாட்டு போட்டியில் கலந்து கொள்ள விமானத்தில் சென்றனர். புறப்பட்ட சில நொடிகளிலேயே விமானம் கட்டுப்பாட்டை இழந்து கீழே விழுந்து நொறுங்கியது.
இந்த விபத்தில் விமானத்தில் இருந்த பால்மான் அணியின் தலைவர், 4 ஆட்டக்காரர்கள் உள்பட விமானியும் உயிரிழந்தனர். விமானம் எப்படி விபத்துக்குள்ளானது என்ற காரணம் இதுவரை தெரியவில்லை. இதேபோல் கடந்த 2014 ஆம் ஆண்டும் பிரேசிலின் முக்கிய கால்பந்து அணியின் மொத்த வீரர்களும் அணி நிர்வாகிகள் உள்ளிட்ட 71 பேர் விமானத்தில் கொல்லப்பட்டது குறிப்பிடத்தக்கது.